რემონტის ხარისხი განისაზღვრება დამკვეთის მიერ შერჩეული პაკეტიდან გამომდინარე, რომელიც იყოფა: ეკონომ პაკეტი, კომფორტი და პრემიუმ პაკეტი, რომლებსაც გააჩნია შესაბამისი შესრულების სტანდარტები ხარისხის მიმართულებით.

კარგი ინტერიერის დიზაინი მოიცავს რამოდენიმე მნიშვნელოვან ელემენტს, კარგად დაბალანსებული და ჰარმონიული სივრცის შესაქმნელად. აქ ასევე არის რამოდენიმე ძირითადი კომპონენტი, რომელსაც უნდა შეიცავდეს სწორად შემუშავებული ინტერიერის პროექტი.

• ვიზიტი ობიექტზე
• სივრცის აზომვითი სამუშაოები
• არსებული მდგომარეობის შესწავლა/შეფასება და არსებობის შემთხვევაში დეფექტების აღრიცხვა
• სწორად შემუშავებული მუშა პროექტი
• სწორი და რეალისტური ვიზუალიზაციები
• სწორად და სტანდარტების დაცვით შემუშავებული მასალათა სპეციფიკაციები და მასალათა უწყისები
• სწორი საპროექტო გადაწყვეტილებების შემუშავება სხვა დისციპლინის ინჟინრებთან ერთად (არქიტექტურა, კონსტრუქციები, საინჟინრო სისტემები, ხარჯთაღრიცხვა)
• საბოლოო პროდუქტის შემუშავება დამკვეთის სურვილებისა და მოლოდინების მაქსიმალური და წარმოჩენით.
• ბიუჯეტირება (სახარჯთაღრიცხვო დოკუმენტაციის მომზადება)
• კალენდარული და ფინანსური გეგმა-გრაფიკების შედგენა
• საავტორო ზედამხედველობა

სარემონტო სამუშაოების ბიუჯეტის სწორად განსასაზღვრად აუცილებელია მომსახურების პაკეტის შერჩევა. შერჩეული პაკეტის შესაბამისად, შესაძლებელია განისაზღვროს სარემონტო სამუშაოების სავარაუდო (მაქსიმალურად მიახლოებული) ღირებულება. წარმოდგენილი პაკეტებიდან - (ეკონომ პაკეტი, კომფორტ პაკეტი) ნებისმიერის შერჩევის შემთხვევაში, მომხმარებელს აქვს საშუალება შეავსოს ჩვენს ვებ. გვერდზე წარმოდგენილი ფორმა, რომლის საშუალებითაც შეძლებს განსაზღვროს მისთვის სასურველი პაკეტის ღირებულების დიაპაზონი.

რაც შეეხება პრემიუმ პაკეტის ღირებულებას, აღნიშნული მომსახურების ფაების დადგენა ხდება ინდივიდუალურად დამკვეთის მოთხოვნებისა თუ საჭიროებების დადგენის შემდგომ, რისთვისაც აუცილებელია დატოვოთ განაცხადი ვებ. გვერდიდან და ჩვენი სპეციალისტები დაგიკავშირდებიან უმოკლეს დროში.

ჩვენ პროფესიონალთა გუნდი ვიცით როგორ მინიმუმამდე დავიყვანოთ მშენებლობისა და რემონტის დროს დაკარგული დამატებითი ხარჯები და დრო, რათა ჩვენს მომხმარებლებს მივცეთ საუკეთესო გამოცდილება. ჩვენი მიდგომა მოიცავს სწორ დაგეგმვას, ეფექტურ კომუნიკაციას, დეტალურ ხარჯთაღრიცხვებს, მაღალ კვალიფიციურ პროექტების მენეჯმენტს, პრობლემის პროაქტიულ გადაჭრას, რეგულარულ მიმოხილვებსა და მოქნილობის შენარჩუნებას. ამ ღონისძიებების განხორციელებით, ჩვენ უზრუნველვყოფთ პროექტების მაღალი ხარისხით შესრულებას, სწორ ბიუჯეტირებასა და ვადების დაცვას, რაც დაზოგავს ჩვენი მომხმარებლების დროსა და ფინანსებს.

თქვენი კმაყოფილება ჩვენი მთავარი პრიორიტეტია და ჩვენ მზად ვართ მოგაწოდოთ მაღალი ხარისხი ეფექტურად და ეკონომიურად.

სარემონტო სამუშაოების ვადის განსასაზღვრად აუცილებელია შესასრულებელი სამუშაოს სწორი განსაზღვრა, მომსახურების პაკეტის შერჩევა და შეთანხმება მასალების მიწოდებასთან დაკავშირებით და დროული ფინანსური უზრუნველყოფა.

ასევე სარემონტო სამუშაოების შესრულების სავარაუდო პერიოდის განსაზღვრა ხდება პროექტის სპეციფიკიდან და შერჩეული მასალებიდან გამომდინარე რაც შესაძლოა მერყეობდეს 3 თვიდან 7 თვემდე.

იმისათვის, რომ გავიგოთ საკმარისია თუ არა კონკრეტული სანათის არსებობა სასურველი განათებულობის მისაღებად, აუცილებელია სწორად შედგენილი განათების დიზაინისა და შუქ-ტექნიკური ანგარიშის მომზადება, რაც საშუალებას მოგვცემს განვსაზღვროთ ამა თუ იმ სივრცეში საჭირო და სასურველი განათებულობა.

რადიატორის სისტემას და იატაკქვეშა გათბობას შეუძლია უზრუნველყოს კომფორტული გათბობა, მაგრამ მათ აქვთ განსხვავებული მახასიათებლები, რამაც შეიძლება გავლენა მოახდინოს ინდივიდუალურ პრეფერენციებზე. წარმოგიდგენთ მოკლე შედარებას:

რადიატორული სისტემა:

• აღნიშნული სისტემის მონტაჟი ხორციელდება ბევრად სწრაფად ვიდრე იატაკქვეშა გათბობა;
• რადიატორული სისტემის მონტაჟის ღირებულება არის ბევრად იაფი;
• რადიატორული სისტემა ზღუდავს სივრცეს ავეჯის მოქნილი განლაგების თვალსაზრისით;

იატაკქვეშა გათბობა:

• იატაკქვეშა გათბობის სისტემა თანაბრად ანაწილებს სითბოს იატაკის მთელ ზედაპირზე, ქმნის კომფორტულ და მუდმივ სითბოს მთელ ოთახში.
• იატაკქვეშა გათბობა უზრუნველყოფს სივრცის მეტ მოქნილობას ავეჯის განლაგების თვალსაზრისით, ვინაიდან იატაკქვეშა გათბობის არსებობის შემთხვევაში ინტერიერში არ იკვეთება ხილული რადიატორები.
• იატაკქვეშა გათბობის სისტემაზე არჩევანის შეჩერებისას აუცილებელია გავითვალისწინოთ მისი გვერდითი ეფექტები, მაგალითისთვის გულ-სისხლძარღვთა პათოლოგიების მქონე პირთათვის იატაკქვეშა გათბობის მოწყობა მიზანშეწონილი არ არის.
• ასევე განვიხილოთ პოზიტიური გავლენა, რომელიც შეუძლია მოახდინოს იატაკქვეშა გათბობის სისტემამ, ეს გახლავთ თქვენი შვილების დაცვა ზამთრის პერიოდში გაციებისაგან, ვინაიდან ბავშვები არიან მეტად მოძრავნი და მათ უყვართ იატაკზე თამაში, იატაკქვეშა გათბობის გადაწყვეტა იდეალურია მშობლებისთვის, რომლებიც მუდამ ღელავენ ბავშვების გაციებაზე იატაკზე თამაშის გამო.

არჩევანი რადიატორულ სისტემასა და იატაკქვეშა გათბობას შორის დამოკიდებულია ისეთ ფაქტორებზე, როგორიცაა დამკვეთის ინდივიდუალური მოთხოვნა, ბიუჯეტი, სპეციფიკური გათბობის მოთხოვნები და არსებული ინფრასტრუქტურა.

როგორც პროფესიონალთა გუნდს, ჩვენ გვესმის ეფექტური რემონტის დაგეგმვის მნიშვნელობა. ჩვენ ვთავაზობთ ჩვენს დამკვეთებს სარემონტო სამუშაოების დაგეგმვის 5 ძირითად პრინციპს.

1. რემონტის მიზნების განსაზღვრა, რათა დავრწმუნდეთ, რომ ზუსტად გვესმის დამკვეთის ხედვა.
2. რეალისტური ბიუჯეტის შედგენის უზრუნველყოფა მოულოდნელობების თავიდან ასაცილებლად.
3. დეტალური გრაფიკის შექმნა სწორი და ეფექტური შესრულებისთვის.
4. პროცესების მართვა და სანდო კონტრაქტორების შერჩევა შეუფერხებელი მუშაობისთვის.
5. ჰოლისტიკური მიდგომით, ჩვენ ჩვენს მომხმარებლებს ვთავაზობთ სიმშვიდეს იმის ცოდნას, რომ მათი რემონტი სანდო ხელშია.

ჩვენი გამოცდილი გუნდი მომხმარებელს სთავაზობს შესაძლებლობას მიიღოს მომსახურება მიმდინარე სარემონტო სამუშაოების სრული მენეჯმენტის მიმართულებით.

ასევე მომხმარებელს ვთავაზობთ სარემონტო სამუშაოების მიმდინარეობისას ან დასრულების შემდგომ ხარისხის ინსპექტირებას და ექსკლუზიურად, უძრავი ქონების შესყიდვის მსურველთათვის გვაქვს სპეციალური შეთავაზება გავუწიოთ სასურველი სივრცის არსებული მდგომარეობის ინსპექტირება, შესაბამისი დასკვნის მომზადება, რაც უზრუნველყოფს დაინტერესებული მხარისათვის შესყიდვის პროცესში სწორი გადაწყვეტილების მიღებას.